多謝今日收睇今屆「香港初創數碼廣告企業 X 出版宣傳支援計劃」 (支援計劃) 說明會暨分享會嘅朋友，包括新晉作家、本地初創數碼廣告公司同出版社代表。說明會上除咗有香港出版總會會長李家駒博士同香港互動市務商會會長司徒廣釗先生致辭外，大會亦有介紹今屆支援計劃嘅詳情；大會更邀請咗兩隊上屆支援計劃獲獎嘅組合：
Horizon Creative Limited X 郭斯恆／三聯書店（香港）有限公司／霓虹黯色－香港街道視覺文化記錄同埋Good Morning Creative Limited X 何美怡／天窗出版社有限公司／失常罪－法醫精神科醫生的代告白同大家分享參與上屆支援計劃嘅經驗。
為咗加深大家對數碼廣告內容營銷、提高品牌形象同埋廣告策略嘅認識，大會更邀請到兩位廣告界精英，分別係Facebook Creative Shop 創意熱店大中華區主管倫潔瑩女士，同埋The Bees Holdings Limited 創辦人及行政總裁曾錦強先生，向大家傳授創造出色數碼廣告嘅心得，教大家點樣利用數碼廣告吸眼球、吸人氣，提升營銷效益之餘，更可做到深入民心！
支援計劃將會喺 2021年1月4日（星期一）截止申請。如果你係
（1）本地新晉作家，想搵數碼廣告企業幫手推廣你嘅著作 或者係
（2）本地初創數碼廣告企業，有興趣幫新晉作家同佢地嘅著作，設計、製作同執行新穎嘅數碼廣告活動
要馬上把握機會，去我哋大會嘅網站申請啦！
要申請或者想了解支援計劃嘅更多詳情，可以瀏覽：https://www.digiad.hk/
