【第三屆「香港初創數碼廣告企業 X 出版宣傳支援計劃」(Ad x Pub)】申請開催！
第三屆Ad x Pub現正接受申請，係唔係仲諗緊參唔參加呢?
入選上一屆Ad x Pub嘅11本指定著作各有特色，類別亦都好多元化，有童話、歷史、動物保育等…而大會為呢批著作嘅作家各自配對1間本地初創數碼廣告企業，11個團隊所設計嘅數碼廣告企劃都表現出眾！以不一樣嘅方式將書中內容同訊息帶俾讀者，充滿創意嘅數碼廣告非常吸睛，唔止讀者，連有關作者們都覺得好有驚喜！
例如上屆金獎得主Horizon Creative Limited為作家郭斯恆嘅作品－《霓虹黯色－香港街道視覺文化記錄》，拍咗個富有美感嘅MV；銀獎得主之一嘅香港早晨創作有限公司，將電影推廣手法融入數碼廣告內，為作家何美怡嘅著作《失常罪－法醫精神科醫生的代告白》，製作咗一條充滿懸疑感嘅電影預告片；另一個銀獎得主年輕創作團隊M&ME CREATIVE LIMITED，為袁斯樂(Kelvin Yuen)嘅《野孩子追夢的世界》，喺Instagram推出攝影濾鏡；至於銅獎得主太初工作室，為陳新安同伍桂麟撰寫嘅《無言老師－遺體捐贈者給我們的生死教育課》，所設計嘅企劃，多角度探討生死教育。評審認為得獎嘅各個企劃都有高水準嘅發揮，可見初創數碼廣告企業都可以有大創意！